“IMZO” nomidan firibgarlik: ehtiyot bo‘ling, aldab ketishmoqda!

So‘nggi paytlarda “IMZO” fabrikasi nomidan foydalanib, aholini aldash holatlari keskin ko‘paygani kuzatilmoqda. Firibgarlar kompaniyaning rasmiy obrazidan foydalanib, ishonch uyg‘otmoqda va shu orqali fuqarolarni moliyaviy yo‘qotishga duchor qilmoqda.

Aldov sxemasi asosan quyidagicha: jinoyatchilar “IMZO”ning rasmiy saytiga juda o‘xshash bo‘lgan soxta veb-sahifalarni yaratib, u yerda go‘yoki katta “aksiya” va “chegirmalar” e’lon qiladi. Bu takliflar juda jozibali ko‘rinadi — arzon narx, tez yetkazish, katta bonuslar. Ammo asl maqsad pulni olib, izsiz yo‘qolish.

Bundan tashqari, ba’zi firibgarlar “IMZO” nomidan qalbaki blankalar, buyurtma shakllari va hatto rasmiy ko‘rinishdagi hujjatlarni bosib, ularni haqiqiydek ko‘rsatmoqda. Bu esa mijozlarning yanada chalg‘ishiga sabab bo‘lmoqda. Natijada odamlar sifatsiz mahsulotga ega bo‘lish yoki umuman hech narsa olmasdan pulidan ayrilish xavfiga tushib qolmoqda.

💡 Esingizda bo‘lsin – haqiqiy “IMZO” quyidagi belgilarga ega:

✅ Rasmiy veb-sayt: IMZO.UZ✅ Kompaniyaning har bir xodimi QR-kodli ID-kartaga ega✅ Yagona aloqa markazi: +998 71 207 77 77

Agar sizga “IMZO” nomidan shubhali taklif, havola yoki xabar yuborilsa — darhol e’tiborli bo‘ling! Bu firibgarlik bo‘lishi ehtimoli juda katta.

❗️Unutmang: arzon narx va “mega aksiya” ortida katta firib bo‘lishi mumkin. Pul jo‘natishdan avval manbani tekshiring, shaxsni aniqlang va rasmiy kanallar orqali tasdiqlang.

⚠️ Ogoh bo‘ling, firibgarlarga ishonmang — birgalikda ularning yo‘lini to‘samiz!

🔍 Shubhali holatlarni tekshirish uchun:📩 Xabar havolasini botga yuboring: https://t.me/factch_bot🌐