Elektron sigaretalarni o‘tkazganlik uchun javobgarlik belgilandi

Mazkur taqiq ijtimoiy tarmoqlarda keng muhokama qilinib, ko‘pchilik bunga ishonmadi.

Qonun (O‘RQ–1098-son, 27.11.2025 y.) bilan ayrim qonun hujjatlariga o‘zgartirishlar va qo‘shimcha kiritildi.

Qonun bilan Jinoyat kodeksiga kiritilgan o‘zgarishlarga ko‘ra, O‘zbekistonda muomalasi taqiq qilingan tamaki mahsulotlari, nikotin yetkazib berishning elektron tizimlari, shu jumladan elektron sigaretalarni tayyorlash, olish, saqlash, tashish/o‘tkazish, ishlab chiqarish, O‘zbekistonga olib kirish yoki undan olib chiqish ancha miqdorda yoki shunday harakatlar uchun ma’muriy jazo qo‘llanganidan keyin sodir etilsa, BHMning 300 baravaridan 500 baravarigacha miqdorda jarima yoki 2 yildan 3 yilga qadar axloq tuzatish ishlari, yoki 3 yil dan 5 yilga qadar ozodlikni cheklash, yoki 3 yil dan 5 yilga qadar ozodlikdan mahrum qilish bilan jazolanadi.

Bunda ushbu harakatlarni sodir etgan shaxs aybini bo‘yniga olish to‘g‘risida hokimiyat organlariga arz qilgan va muomalasi taqiq qilingan mahsulotlarni topshirgan taqdirda, javobgarlikdan ozod qilinadi.

Bundan tashqari, “Alkogol va tamaki mahsulotlarining tarqatilishini hamda iste’mol qilinishini cheklash to‘g‘risida”gi Qonunda elektron sigaretalar va ular uchun suyuqliklarning aylanishiga doir taqiq belgilandi.

Jinoyiy javobgarlikka sabab bo‘ladigan holatlar quyidagilar: elektron sigareta qurilmasini (veyp), nikotinli suyuqliklar yoki boshqa elektron nikotin yetkazib berish tizimlarini ishlab chiqarish, bunday mahsulotlarni sotish va tarqatish, saqlash, tashish yoki eksport/import qilish, shuningdek ularni muomalada ushlash, sotib olish yoki so‘rash. Agar bu harakatlar ancha miqdorda amalga oshirilsa yoki oldin ma’muriy jazo olinganidan keyin takrorlansa, jazo qo‘llanadi.

Jazo turlari quyidagicha: jarima — BHMning 300–500 baravarigacha, axloq tuzatish ishlari — 2–3 yil, ozodlikni cheklash — 3–5 yil, ozodlikdan mahrum qilish — 3–5 yil.

Shaxs o‘z aybini tanlab va taqiq qilingan mahsulotlarni hokimiyat organlariga topshirsa, javobgarlikdan ozod qilinishi mumkin.

Qonun Senatda 2025 yil aprelda ma’qullangan, 27 noyabrda rasman imzolangan va kuchga kirgan. Shu bilan birga, ayrim turdagi nikotin mahsulotlari (masalan, “heated tobacco systems”) bilan bog‘liq muomalaga hozirda cheklovlar qo‘llanilmagan.